ಓಂ ಶ್ರೀ ಗುರು ಅಕ್ಕಮಹಾದೇವಿ ಲಿಂಗಾಯ ನಮಃ

1)  ಉಡುವೆ ನಾನು ಲಿಂಗಕ್ಕೆಂದು ತೊಡುವೆ ನಾನು ಲಿಂಗಕ್ಕೆಂದು

ಮಾಡುವೆ ನಾನು ಲಿಂಗಕ್ಕೆಂದು ನೋಡುವೆ ನಾನು ಲಿಂಗಕ್ಕೆಂದು ಎನ್ನಂತರಂಗಗಳು ಬಹಿರಂಗಗಳು ಲಿಂಗಕ್ಕಾಗಿ. ಮಾಡಿಯೂ ಮಾಡದಂತಿಪ್ಪೆ, 

ಚೆನ್ನಮಲ್ಲಿಕಾರ್ಜುನನೊಳಗಾಗಿ ಹತ್ತರೊಳಗೆ ಹನ್ನೊಂದಾಗಿಪ್ಪೆನವ್ವ. .

ಉಡುವೆನಾನು ಲಿಂಗಕ್ಕೆಂದು ತೊಡುವೆ ನಾನು ಲಿಂಗಕ್ಕೆಂದು ಮಾಡುವೆ ನಾನು ಲಿಂಗಕ್ಕೆಂದು ನೋಡುವೆ ನಾನು ಲಿಂಗಕ್ಕೆಂದು ಉಡುವ ತೊಡುವ ಮಾಡುವ . 'ನೋಡುವ ಎಲ್ಲ ಕ್ರಿಯೆಗಳನ್ನು ಲಿಂಗಕ್ಕೆಂದೆ ಮಾಡುವ ಸದಾಚಾರವನ್ನು ಅಕ್ಕನವರು ಮೈಗೂಡಿಸಿಕೊಂಡಿದ್ದಾರೆ. ಎನ್ನಂತರಂಗಗಳು ಬಹಿರಂಗಗಳು ಲಿಂಗಕ್ಕಾಗಿ ಮಾಡಿಯೂ ಮಾಡದಂತಿಪ್ಪೆ. ನನ್ನ ಅಂತರಂಗ ಬಹಿರಂಗದಲ್ಲಿ ಪರಮಾತ್ಮನ ಧ್ಯಾನ ತುಂಬಿದೆ.ಯಾವುದೆ ಕ್ರಿಯೆಗಳನ್ನು ಮಾಡಿದರೂ ಅವುಗಳನ್ನು ಪರಮಾತ್ಮನಿಗೆಂದೆ ಮಾಡುತ್ತಾರೆ. ಚೆನ್ನಲ್ಲಿಕಾರ್ಜುನನೊಳಗಾಗಿ ಹತ್ತರೊಳಗೆ ಹನ್ನೊಂದಾಗಿಪ್ಪೆನಯ್ಯ. ಚೆನ್ನ ಮಲ್ಲಿಕಾರ್ಜುನನಿಗಾಗಿ ಬದುಕಿರುವ ಈ ಜೀವ ಹತ್ತರಲ್ಲಿ ಹನ್ನೊಂದನೆಯವಳಾಗಿ ಸಹಜವಾಗಿರುವೆನು. ಇದು ನಾನು ಎನ್ನುವ ಭಾವಹೋದ ಘಟ್ಟ ತಪಸ್ಸಿನಲ್ಲಿ ಹಲವು ಕಾಲ ಕಳವಳಿಸಿ ಮನಸ್ಸು ಏರಿದ ಎತ್ತರ ಇದು. ಜೀವನದ ಕಟುಸತ್ಯದ ದರ್ಶನ ದಿಂದ ನನ್ನಮಿತಿ ಏನು? ಎನ್ನುವುದರ ಸತ್ಯವೂ ಆಯಿತು ದೇಹವಿಡಿದು ಬದು ಕುವುದು ಅನಿವಾಯ್ಯ. ಈಲೋಕದ ಹಂಬಲಗಳನ್ನು ಬಿಟ್ಟು ತಪಸ್ಸಿಗೆ ಬಂದರು.ಅನು ಭಾವಜೀವನ ಸಡೆಸಬೇಕಾದರೂ ದೇಹ, ಇಂದ್ರಿಯಗಳು ಬೇಕು. ನನಗಾಗಿ ದೇಹ ಪೋಷಣೆ ಮಾಡದಿದ್ದರೂ ಅನುಭಾವ ಜೀವನಕ್ಕಾಗಿಯಾದರೂ ದೇಹ ಪೋಷಿಸಲೇಬೇಕು. ಉಡುವೆ ನಾನು ಲಿಂಗಕ್ಕೆಂದು ತೊಡುವೆ ನಾನು ಲಿಂಗಕ್ಕೆಂದು ದೇವರ ಬಗೆಗೆ ಖಚಿತ ಸತ್ಯವು ಮೂಡಿದ ಮೇಲೆ ರುದ್ರಾಕ್ಷ ಧಾರಣೆಯ ಹಾಗೆ ಚಳಿ, ಮಳೆ, ಬಿಸಿಲು, ಗಾಳಿ ಕಾರಣವಾಗಿ ಕೂದಲುಡುಗೆಯಾದರೂ ಅಗತ್ಯವೆಂದು ಅನಿಸಿರಬೇಕು.ಕಾವಿಯ ವಲ್ಕಲ,ಬಿಳಿಯ ಉಡುಗೆಗಳು ಇದ್ದಿರಲೂ ಬಹುದು. ನನಗಾಗಿ ಬದುಕುವುದು ಹೋಯಿತು. ಇನ್ನು ಬದುಕುವುದೇನಿದ್ದರೂ ನಿನಗಾಗಿ. ನನ್ನ ಅಂತರಂಗ ಬಹಿರಂಗವೆಲ್ಲ ನಿನಗಾಗಿ ನಾನಿನ್ನು ನನ್ನ ದೇವನೊಳಗಾಗಿ ಹತ್ತರಲ್ಲಿ ಹನ್ನೊಂದಾಗಿ ಬಾಳುತ್ತೇನೆ. ಅರಮನೆ,ರಾಣಿ ಪದವಿಯನ್ನೆ ಬಿಟ್ಟು, ಬಂದೆ ಎನ್ನುವ ನೀನು ಈರುದ್ರಾಕ್ಷೆ, ಜಪಮಣಿ,ಕಾವಿವಲ್ಕಲ, ಕೂದಲ ವಸ್ತ್ರಗಳ ನ್ನಾದರೂ ಯಾರಿಗಾಗಿ ಉಡುವೆ? ಯಾರಿಗಾಗಿಯಾದರೂ ಬದುಕುವೆ ?ಇತರ ಪ್ರಶ್ನೆಗಳನ್ನು ಕೇಳಿದವರಿಗೆ ಅವರು ಹೀಗೆ ಉತ್ತರಿಸಿದ್ದಾರೆ. ಅಕ್ಕನವರು ಅವರ ಪ್ರತಿಭೆ.ತಪಸ್ಸು ವಚನಗಳು, ಜ್ಞಾನೋಪದೇಶ ವೈರಾಗ್ಯ ಕಾರಣವಾಗಿ ಲೋಕೋತ್ತರವಾದ ಪ್ರಸಿದ್ಧಿಪಡೆದರು. ಆದರೂ ನಾನು ಹತ್ತರಲ್ಲಿ ಹನ್ನೊಂದಾಗಿ ಇರುವೆನೆಂದು ಹೇಳಿದ್ದಾರೆ. ಪ್ರಸಿದ್ದಿ ಕೀರ್ತಿಗಳು ಯಾರಿಗೆ ಬೇಕು.ಅಕ್ಕನವರಿಗೆ ಪರಮಾತ್ಮ ಬೇಕು।